Saturday, March 15, 2008

ಹೊಂಬಿಸಿಲು


೧೯೯೬ರಲ್ಲಿ, ಬಸವಲಿಂಗಯ್ಯ ಮತ್ತು ವಿಶ್ವೇಶ್ವರೀ ಹಿರೇಮಠರು ನಮಗೆ ಕಂಬಾರರ "ಸಿರಿಸಂಪಿಗೆ" ನಾಟಕವನ್ನು ನಿರ್ದೇಶಿಸುತ್ತಿರುವಾಗ, ಆ ನಾಟಕದ ಎಲ್ಲ ಹಾಡುಗಳಿಗೆ ತುಂಬ ಸುಂದರ ಸಂಗೀತ ಸಂಯೋಜಿಸಿದ್ದರು. ತಾಲೀಮು ಜೋರಾಗಿ ನಡೆದು ದಣಿವಾರಿಸಿಕೊಳ್ಳುತ್ತಿರುವಾಗ, ಪೇಟಿ (ಹಾರ್ಮೋನಿಯಂ) ಹಿಡಿದು "ಹೊಂಬಿಸಿಲು" ಚಿತ್ರದ "ನೀರ ಬಿಟ್ಟು..." ಹಾಡನ್ನು ತುಂಬ ಸೊಗಸಾಗಿ ಕಂಗ್ಲೀಷಿನಲ್ಲಿ ಹಾಡಿ ನಮ್ಮನ್ನು ನಗಿಸಿದ್ದರು. ಇವತ್ತೇಕೆ ಅದು ನೆನಪಾಯಿತೆಂದರೆ, ಈಗೀಗ ಕನ್ನಡ ಮಾತಾಡುವಾಗಲೆಲ್ಲ ಕ್ರಿಯಾಪದ ಬಿಟ್ಟರೆ ಎಲ್ಲದಕ್ಕೂ ಇಂಗ್ಲೀಷ್ ಬಳಸುವ ಬೆಂಗಳೂರಿಗರ ಕನ್ನಡ ಕೇಳಿ. ಆ ಹಾಡಿಗೆ ನಾನೂ ಸ್ವಲ್ಪ ಉಪ್ಪು ಖಾರ ಹಾಕಿ ಬರೆದಿದ್ದೇನೆ. ನೀವೂ ಇದನ್ನು ರಾಗವಾಗಿ ಹಾಡಿ ಆನಂದಿಸಿ, ಅಥವಾ ರಿಮಿಕ್ಸ್ ಮಾಡಿ ಯಾವುದಾದರೂ ಹೊಸ ಕನ್ನಡ ಚಿತ್ರದಲ್ಲಿ ಸೇರಿಸಿ, ಸೂಪರ್-ಹಿಟ್ ಗ್ಯಾರಂಟಿ! ಯಾರಾದರೂ ಸಿನೆಮಾ ಸಂಗೀತಗಾರರು ಅಥ್ವಾ ಪ್ರೊಡ್ಯೂಸರ್-ಕಮ್-ಡೈರೆಕ್ಟರ್-ಕಮ್-ಹೀರೋ ಆದವರು ಇದನ್ನು ಓದಿ ಖುಷಿಯಾದರೆ, ನಿಮ್ಮ ಹೊಸ ನಿನೆಮಾಕ್ಕೆ ಹಾಡು ಬರೆಯಲು ನನಗೊಂದು ಈ-ಮೇಲಿಸಿ. ಒಂದೇ ದಿನದಲ್ಲಿ ಹತ್ತು ಹಾಡು ಕಳಿಸಿ ಕನ್ನಡಿಗರ ಕಿವಿಯನ್ನು ಸ್ವಚ್ಛಮಾಡುತ್ತೇನೆ, ಹುಷಾರ್!!


ವಾಟರ್ ಬಿಟ್ಟು ಅರ್ತ್ ಮೇಲೆ ಬೋಟು ಓಂಟು ಗೋ

ಅರ್ತ್ ಬಿಟ್ಟು ವಾಟರ್ ಮೇಲೆ ಕಾರ್ಟು ಓಂಟು ಗೋ

ನನ್ನ ಬಿಟ್ಟು ನಿನ್ನ, ನಿನ್ನ ಬಿಟ್ಟು ನನ್ನ ಲೈಫು ಓಂಟು ಗೋ ಪ


ಸನ್ನು ಬರದೆ ಲೋಟಸ್ ಎಂದು ಅರಳದು

ಮೂನು ಇರದೆ ಸ್ಟಾರು ಎಂದು ನಲಿಯದು

ಲವ್ವು ಮೂಡದಿರಲು ಹಾರ್ಟು ಅರಳದು

ಹಾರ್ಟು ಅರಳದಿರಲು ಸ್ಟಾರ್ಟು ಆಗದು

ಹಾರ್ಟು ಅರಳದಿರಲು ಸ್ಟಾರ್ಟು ಆಗದು ೧


ದುನಿಯಾದಲ್ಲಿ ಗಂಡು ಹೆಣ್ಣಿಗಾಸರೆ

ಬಟ್ ಇಲ್ಲಿ ನಾನು ನಿನ್ನ ಅರೆಸ್ಟ್-ರೆ

ಕೂಡಿ ಡಿಸ್ಕೋ ಆಸೆ ಮನದಿ ಕಾದಿರೆ

ಪೀಸು ಎಲ್ಲಿ ನೀನು ಬೇರೆ ಆದರೆ

ಪೀಸು ಎಲ್ಲಿ ನೀನು ಬೇರೆ ಆದರೆ ೨




8 comments:

  1. ಹ ಹ್ಹ ಹ್ಹಾ... ಸಖತ್ತಾಗಿದೆ.... :-)

    ReplyDelete
  2. ಪರಿಸರಪ್ರೇಮಿ,

    ಥ್ಯಾಂಕ್ಸ್!

    ಕೇಶವ

    ReplyDelete
  3. ತುಂಬ good poetry ಬರೆsದಿರುವಿರಿ!
    ಇಂಥದನ್ನೆ daily daily ನೀವು ಬರೆಯಿರಿ.
    ಓದಿ ಓದಿ happy happy ನಾವು ಆಗುವೆವ್!
    ಇಲ್ಲದಿರಲು ಹ್ಯಾಪ್ face ಹಾಕಿ ಬಿಡುವೆವವ್!

    ReplyDelete
  4. "ಅಯ್ಯೋ, ದೇವ್ರೇ, ಭಗವಂತಾ, ಕಾಪಾಡಪ್ಪಾ...
    ಕಂಗ್ಲಿಷ್ ಬಾರದ ಕನ್ನಕ್ಷರಿಗಳಿಗೆ ನೀನೀ ದಿಕ್ಕು, ಸ್ವಾಮೀ..."

    ReplyDelete
  5. ಸುನಾಥ್ ಮತ್ತು ಸುಪ್ತದೀಪ್ತಿ,

    ಪ್ರತಿಕ್ರಿಯೆಗೆ ಧನ್ಯವಾದಗಳು.

    ಕೇಶವ

    ReplyDelete
  6. ನಿಲಗಿರಿ,
    ಧನ್ಯವಾದಗಳು
    ಕೇಶವ

    ReplyDelete